Авион на „Катар ервејс“ итно слета откако патничка откри дека сопругот ја изневерува

Авион на „Катар ервејс“ итно слетал во Индија, откако патничка открила, за време на летот, за неверството на нејзиниот сопруг и скокнала во тепачка, пренесува Скај њуз.

Авионот летал на релација Доха - Бали. Додека нејзиниот сопруг спиел, една жена од Иран успеала да влезе во телефонот на нејзиниот сопруг, откако го отклучила смартфонот притискајќи го на прстот на мажот додека спиел и открил дека тој ја изневерува. Бесна, жената почнала да го удира сопругот и да вреска.

Според „Хиндустан Тајмс“, членовите на екипажот интервенирале веднаш, но не успеале да ја смират жената, па пилотите на леталото решиле итно да слетаат во Ченаи, град во јужна Индија. Двојката, заедно со своето дете, беа симнати од авионот и авионот полета повторно, на Бали.

Семејството го помина денот на аеродромот во Ченаи, а властите одлучија да не преземаат ништо против нив. Директорот на аеродромот изјавил дека жената била во алкохолизирана состојба и дека на семејството не му било дозволено да се качи на друг лет се додека таа не се опорави од пијанството.

---