Еден час пешачење може да се спротивстави на ефектите од осум часа поминати во канцеларија - CSID Што се случува
Еден час умерена физичка активност на ден е доволен за да се спротивстави на смртоносните ефекти од работното време, покажува новата студија.
Истражувачите анализирале податоци од еден милион мажи и жени и заклучиле дека луѓето кои поминуваат повеќе од осум часа на ден без вежбање имаат поголем ризик од предвремена смрт. Истражувачите ги анализирале податоците собрани од повеќе од милион луѓе кои работат во канцеларии и откриле дека осум часа седење на стол пред компјутер може да го зголеми ризикот од предвремена смрт до 60 проценти.
Срцеви заболувања и карцином се две од најчестите причини за смрт поврзани со неактивен начин на живот.
Научниците велат дека седечкиот начин на живот е опасен како пушењето и предизвикува повеќе смртни случаи отколку дебелина. Сепак, еден час пешачење или возење велосипед на ден може да биде доволен за борба против опасностите од осум часа во канцеларија.
Истражувачите велат дека дури и кратка пауза за кафе или чаша вода може да ги намали ризиците. Тие препорачуваат пауза од пет минути за секој работен час, но и за вежбање, и напладне и навечер.
„Најмалку еден час физичка активност на ден, како што е возење велосипед или кратка прошетка, ја елиминира поврзаноста помеѓу седењето и ризикот од смртност. Не мора да спортувате, не мора да одите во теретана, одење е доволно. Наутро, напладне или навечер, после вечера. Движењето мора да трае вкупно најмалку еден час “, рече координаторот на студијата, професорот Улф Екелунд од универзитетот Кембриџ.