Како аспиринот може да ја запре прогресијата на карциномот на дојка
Истражувачите откриле дека популарниот лек го ограничува производството на клетки кои ја хранат болеста, со што се намалува развојот на тумори.
Лабораториски тестови и тестови на глувци покажаа дека ниски дози на аспирин го потиснуваат ширењето на два различни сорта на рак на дојка.
Еден вид е одговорен за „тројно негативен“ карцином на дојка, кој е отпорен на многу третмани и влијае на секој петти пациент.
Истражувачите од Универзитетот во Канзас откриле и дека аспиринот го засилува дејството на тамоксифен, лек што се користи против почеста форма на рак на дојка.
Аспиринот го произведе истиот ефект и во лабораториските тестови извршени врз клетките на ракот и во тестовите извршени врз глувци.
Постарите истражувања покажаа дека жените кои имале рак на дојка и земаат аспирин за да го намалат ризикот од срцев удар и мозочен удар, имаат помал ризик од развој на рак повторно. Сепак, причината за ова е сè уште нејасна.
Истражувачите откриле дека лекот може да се меша во процесот со кој туморите произведуваат многу агресивни матични клетки. Во студиите врз глувци, клетките на ракот третирани со аспирин произведоа само делумни или никакви матични клетки. Координаторот на оваа студија, професор Сушанта Банерџи од Универзитетот во Канзас, вели дека „ако не ги насочите матичните клетки, нема да имате никаков ефект и ракот ќе се врати“. „Ние сме заинтересирани за тројно негативен карцином на дојка, бидејќи тие немаат охрабрувачка прогноза“, рече Банерџи.
Резултатите од студијата беа презентирани на годишниот состанок на Американското друштво за биохемија и молекуларна биологија. Способноста на аспиринот да влијае на повеќе клеточна активност е зошто овој лек има потенцијал да биде корисен третман против канцер, вели професорот Банерџи.
Други студии покажаа дека аспиринот го намалува ризикот од други видови на рак. Истражувањата во САД минатата година покажаа дека луѓето кои земале аспирин дневно во период од пет години, имаат 16% помал ризик да умрат од каков било вид на рак.
Што се однесува до „тројно негативниот“ рак на дојка, уште една добра вест доаѓа од Галапагос, белгиска фармацевтска компанија. Компанијата соопшти дека открила потенцијален третман за троен негативен карцином на дојка. Компанијата откри дека еден од нејзините лекови во развој, GLPG1790, покажал силна активност против „тројно негативни“ тумори на дојка - кои немаат рецептори за естроген, прогестерон или HER2.
Галапагос тврди дека овој вид карцином на дојка сочинува 20% од сите случаи на рак на дојка, особено кај младите жени. Претставниците на компанијата објавија дека првите клинички тестови извршени врз луѓе ќе се одржат за најмногу една година.