Кој е докторот кој го инспирираше ликот Ханибал Лектор

Еден од најпознатите ликови во американската литература, Ханибал Лектор, бил инспириран од лекар, сериски убиец, затворен во казнено-поправниот дом во Мексико.

Томас Харис, авторот на приказната зад познатата филмска продукција „Тишината на јагнињата“, го откри идентитетот на убиецот по што го изгради Ханибал Лектор, главниот јунак на неговиот роман. Според него, портретот на Ханибал бил инспириран од атентатор, по професија лекар, кого го запознал во затворот во Мексико во 60-тите години на минатиот век.

Харис пред новинарите во „Тајмс“ изјави дека се сретнал со д-р Салазар во мексикански затвор додека работел како новинар и сакал да интервјуира Американец кој уби три лица.

„Др. Салазар беше мал, слаб човек со темно црвена коса. Тој беше мирен, па дури и елегантен во своите гестови “, го опишува Харис оној кој му бил извор на инспирација.

Лектор, ликот замислен од американскиот писател, првично се појави во книгата „Црвениот змеј“, а подоцна, неговиот портрет ќе се најде на страниците на романот „Тишина на јагнињата“. Филмот од 1991 година, кој ја следеше приказната на Харис, беше огромен успех и освои пет Оскари. Ханибал Лектор го играше славниот Ентони Хопкинс кој го освои Оскарот за „Најдобра споредна машка улога“ во 1992 година за неговата беспрекорна изведба.

---