Мажите со стомак се склони кон срцев удар

склони

Германски истражувачи спроведоа студија според која мажите кои имаат стомак, но не се со прекумерна тежина или дебели, се склони кон срцев удар.

Јарослав Винтер, истражувач на Универзитетот во Хајделберг, ги анализирал ризиците за мажите со прекумерна тежина и оние кои имаат нормална тежина, но имаат стомак, информира онлајн медицинското списание WebMD.

Во студијата учествувале 1.137 возрасни лица, од кои 379 имале срцеви заболувања. Повеќе од 300 лица со срцеви заболувања имаат стомак, што е една од причините за болеста.

Винтер забележа дека ризикот од срцев удар е поголем кај луѓето со обем на половината повеќе од еден метар кај мажите. Тој рече дека ризикот од развој на болеста е осум пати поголем кај овие луѓе. Процентот се зголемува во случај на луѓе кои пушат или консумираат алкохол.

Лекарот ги советувал своите колеги да ги информираат своите пациенти за овие ризици, па дури и да ги измерат, со цел да се спречат можните срцеви заболувања.