Медитеранската диета може да помогне во спречување на депресија

Во споредба со класичните западни диети, богати со месо, преработена храна, заситени масти и шеќери, луѓето кои избираат класична медитеранска диета имаат 33% помали шанси да развијат депресија. Според „Индипендент“, менталното здравје станува глобален приоритет, при што многу истражувачи се согласуваат дека „промената во исхраната“ може да помогне во намалувањето на болестите во оваа област.

Истражувањето спроведено од специјалисти на универзитетот во Лондон, разгледало навики во исхраната на 36.000 луѓе во Франција, Австралија, Шпанија, САД и Велика Британија. „Постои јасна поврзаност помеѓу изборот на медитеранска диета и нискиот ризик од развој на депресија“, пишува во студијата.

Воспалението е уште еден проблем што го зголемува ризикот од психолошки нарушувања како резултат на одговорот на имунитетниот систем на организмот на зголемената потрошувачка на масти, алкохол или шеќери. Овошјето, зеленчукот и оревите имаат зголемен коефициент на растителни влакна, витамини, минерали и антиоксиданти кои го намалуваат воспалението.

„Воспалителната диета може систематски да предизвика појава на овие воспалителни региони кои на крајот доведуваат до зголемен ризик од развој на депресија“, рече Камил Ласејл од Лондонскиот универзитет.

Препорачуваме да ги прочитате следниве статии:

---