Nintendo минатиот месец продаде четири пати повеќе конзоли од Sony во Јапонија

Автор: КАПИТАЛ/Датум на објавување: 06-08-2007 14:08

продаде

Конзолата Wii на Nintendo минатиот месец се продаде четири пати подобро во Јапонија од нејзиниот ривал Sony Playstation 3, информира Yahoo News. Nintendo продаде скоро 400.000 примероци, додека Sony скоро 92.000. PlayStation 3, кој ја вклучува напредната технологија на Sony, како што е Bluray DVD плеерот, стои зад конзолата Nintendo уште од нејзиното лансирање, поради високата цена и недостатокот на атрактивни игри. Конзолата Wii чини нешто повеќе од 200 УСД во Јапонија

Конзолата Wii на Nintendo минатиот месец се продаде четири пати подобро во Јапонија отколку нејзиниот ривал Sony Playstation 3, пренесува Yahoo News. Nintendo продаде скоро 400.000 примероци, додека Sony продаде скоро 92.000 примероци.

PlayStation 3, кој ја вклучува напредната технологија на Sony, како што е Bluray DVD плеерот, стои зад конзолата Nintendo уште од нејзиното лансирање, поради високата цена и недостатокот на атрактивни игри. Конзолата Wii чини нешто повеќе од 200 долари во Јапонија, што е половина од цената на најевтината верзија на Play Station 3.

Сепак, Сони ја зголеми продажбата во споредба со минатиот месец, а во јуни односот Wii - PlayStation3 беше 6 спрема 1.

Минатата недела Nintendo објави трикратна добивка поради големата побарувачка за конзоли Wii и преносни конзоли ДС. Во исто време, Nintendo ги прошири своите проценки над оние на пазарот.

Во гејмерската индустрија, проценета на 30 милијарди долари, битката се води помеѓу Nintendo, Sony и Microsoft. Американската конзола, Xbox 360, се продаде во 18 000 примероци во јули во Јапонија.