Прва реакција во Москва по нуклеарната несреќа „Се случуваат и несреќи“

Властите во Москва во вторникот за прв пат зборуваа за експлозијата на ракетата со нуклеарно напојување, откако молчеа повеќе од една недела. Кремlin дава шокантен одговор: „Несреќи сепак се случуваат“. Русите исто така сакаа да прецизираат дека тие се „многу напредни“ во однос на развојот на нуклеарно оружје, пренесува Си-Ен-Ен.

Портпаролот на Кремlin, Дмитриј Песков, одби да ги потврди шпекулациите на меѓународните актери дека падот, што резултираше со пет жртви, е предизвикан од ракета на нуклеарно напојување.

„Се случуваат и несреќи. Има трагедии. Но, во конкретниот случај, важно е да се почитуваат хероите кои ги загубија своите животи во оваа несреќа “, рече Песков на прес-конференција. Песков исто така сакаше да ја повтори изјавата на Владимир Путин дека руските напори за развој на такви технологии „се понапредни од оние на другите земји“.

„Росатом“, руската државна агенција за атомска енергија, потврди дека во експлозијата загинале 5 специјалисти за атомска енергија, а локалните власти објавија зголемување на зрачењето во областа по несреќата. Руското Министерство за одбрана негираше дека го подигнало нивото на радиоактивност.

Загрижен за последиците од зголемувањето на нивото на зрачење за здравјето на локалното население, Песков рече дека „сите агенции со експертиза во оваа област ќе сторат се што е во нивна моќ за да се осигури безбедноста на граѓаните на Руската Федерација“.

---