РИА Новости тврди дека Украина може да се откаже од кирилицата - Мисла
„Некои членови на комисијата користат одредени подметнувања за да додадат клаузула со која се предвидува постепено напуштање на кирилицата во Украина и негово заменување со латинската азбука“, рече изворот.
На 23 февруари парламентот во Киев го укина законот за употреба на малцинските јазици во Украина, усвоен во 2012 година од поранешниот претседател Виктор Јанукович. Овој закон им дозволи на малцинствата во Украина да го користат својот мајчин јазик во региони каде што тие претставуваат најмалку 10 проценти од населението. Законот му даде статус на регионален јазик на руски јазик во 13 од 27 административни региони на Украина, вклучително и Киев.
Укинувањето на законот од страна на украинскиот парламент предизвика протести кај руско говорниците во јужна и југоисточна Украина, но и на Крим.
За возврат, соседите на Украина, вклучително Романија, Бугарија, Унгарија, но и европските институции, го критикуваа Киев за укинување на законот.
Во овој контекст, претседателот на украинскиот парламент, Олександар Турчинов, кој исто така ја извршува функцијата привремен шеф на државата, во понеделникот одби да ја одобри одлуката на законодавниот дом за укинување на законот. Турчинов неодамна нареди создавање работна група за подготвување, до 31 март, на нов закон за употреба на малцинските јазици во Украина.Тој увери дека новиот закон ќе ги застапува интересите на сите малцинства во Украина.