Украина одобри меморандум за увоз на течен природен гас од САД -

Украинската влада во средата одобри меморандум за соработка за можноста за увоз на најмалку 5,5 милијарди кубни метри течен природен гас годишно од САД, информира Ројтерс.

Украинската министерка за енергетика Олга Буславец во меморандумот рече дека компанијата што ќе продава течен гас е американската компанија „Луизијана природен гас извоз“, а цената ќе биде утврдена според цените на американската платформа „Хенри хаб“.

„Меморандумот предвидува можност за диверзификација на патиштата за снабдување со гас преку обезбедување на долгорочно снабдување со течен природен гас и развој на прекугранична гасна инфраструктура во Украина и ЕУ“, рече Олга Буславец.

Меморандумот за соработка предвидува и изградба на нов гасовод помеѓу гасниот центар во Хермановице (Полска) и објектот за складирање на природен гас во Билче-Волицко-Уерске (Западна Украина). Финансирањето на овој проект вклучува поддршка од одредени американски и европски владини агенции, според Агерпрес.

Украина се обидува да го диверзифицира снабдувањето со енергија, откако односите со традиционалниот снабдувач Русија се распаднаа по анексијата на Кримскиот полуостров од Русија во 2014 година. Во 2019 година, Украина го зголеми увозот на природен гас за 34, 4% до 14,25 милијарди кубни метри.

---