Земјата каде бензинот поскапе за 30% за еден ден

Автор: КАПИТАЛ/Датум на објавување: 07-06-2011 15:06

поскапе

Белоруските власти во вторникот ја зголемија цената на бензинот кај пумпата за 30%, во просек, последната мерка во низата интервенции на властите задолжени за контрола на економската криза и добивање заем од Меѓународниот монетарен фонд, пренесува Ројтерс.

Ова зголемување за кое одлучува државната нафтена компанија „Белнефтехим“, со што цената на еден литар бензин достигнува околу еден долар, е трето зголемување усвоено во последните два месеци. Вкупно, цената на еден литар бензин е скоро двојно зголемена во Белорусија од март.

Мерката е донесена „за да се заштити домашниот пазар од несанкциониран извоз на нафта и да се намали јазот во цената на горивата во Белорусија и соседните земји“, се вели во изјавата на Бенефтехим.

Зголемувањето на цената на бензинот доаѓа по 36% девалвација на рубата, замрзнување на цената на одредена храна и воведување рационализација на горивото.

Минатата недела Белорусија доби тригодишен заем од 3 милијарди американски долари од Евроазиската економска заедница, тело што обединува неколку поранешни советски републики, вклучително и Русија. Покрај тоа, владата во Минск разговара со ММФ за заем за стабилизација до осум милијарди долари.