13-годишно момче е осудено на 10 години затвор за богохулење во Нигерија

13-годишно момче е осудено на 10 години затвор за богохулење во африканската земја Нигерија, пренесува Си-Ен-Ен.

Омар Фарук беше осуден од шеријатскиот суд во регионот Кано во северозападна Нигерија, откако во разговор со пријател беше слушнат како користи вулгарен јазик против Алах. Тој беше осуден на 10 август од истиот суд кој осуди човек на смрт за богохулење кон пророкот Мухамед, според адвокатите.

Казната на Фарук претставува кршење на Африканската повелба за правата и благосостојбата на детето, но и на нигерискиот устав, изјави неговиот адвокат Кола Алапини, кој поднесе жалба на 7 септември.

Тој вели дека случајот на Фарук дознал случајно додека работел на случајот со мажот осуден на смрт исто така и за богохулење.

„Богохулењето не е признаено како кривично дело според нигерискиот закон. Тоа е некомпатибилно со уставот на Нигерија “, рече Алапини. Адвокатот исто така вели дека мајката на момчето побегнала во блискиот град откако гневната толпа упаднала во нејзината куќа по апсењето на нејзиниот син.

---