Јаболката, овесните трици и грејпфрутот го намалуваат „лошиот“ холестерол

Диетата богата со килокалории и „лоши“ масти доведува до зголемување на холестеролот во организмот. Нутриционистите предупредуваат дека луѓето кои имаат високо ниво на холестерол во организмот се склони кон кардиоваскуларни болести, според Гендул.

Јаболката, овесните трици и грејпфрутот го намалуваат „лошиот“ холестерол (Слика: www.gandul.info)

Бидејќи заситените масти е тешко да се избегнат поради брзиот начин на живот, нутриционистите препорачуваат да вклучиме храна што помага во намалување на „лошиот“ холестерол во секојдневната исхрана. Така, јаболката, триците и грејпфрутот се храна што го намалува нивото на холестерол во крвта. Специјалистички студии покажаа дека луѓето кои јадат две јаболка на ден имаат помал ризик да заболат од срцеви заболувања затоа што овошјето спречува таложење на маснотии на артериите.

Овесните трици се важен извор на растворливи во вода влакна. Според нутриционистите, растворливите влакна помагаат во блокирање на апсорпцијата на холестерол во организмот.

---