Алтернатива на ММФ и СБ, Банка за развој на БРИКС - Списание за кариери

брикс

Бразилската претседателка Дилма Русеф пред една година изјави дека нејзината земја нема интерес да се оддалечи од ММФ. Сепак, на создавањето на развојната банка се гледа како на обид да се наруши глобалното економско управување, особено на Меѓународниот монетарен фонд и Светската банка, пишува Ла Трибјун. Овие две институции се критикувани за нивната неможност да го рефлектираат растот на големите економии во развој.

Се очекува реформа на ММФ, имајќи предвид дека акциите на Кина и Бразил во финансиската институција не ја одразуваат нивната економска важност. Дилма Русеф проценува дека Бразил е недоволно застапен во организацијата предводена од Кристин Лагард, со само 1,78% од гласовите. Исто така, вреди да се напомене блокирањето на сите реформи во управувањето со ММФ од страна на Конгресот на САД.

Ниту Кина не е подобра. Иако е втора по големина економија во светот, таа има само 4% од правото на глас, со оглед на тоа што Италија има 3,31%, а Франција 4,51%.

Москва, опфатена со санкции поради украинската криза и падот на рубата, смета на новата инвестициска банка. Пред две недели, рускиот претседател Владимир Путин и министерот за надворешни работи Сергеј Лавров изјавија дека земјите од БРИКС илустрираат нов систем на мултиполарни меѓународни односи и демонстрираат зголемување на влијанието на новите центри на моќ.