Американците, предупредија да не ги засадуваат мистериозните семиња испратени низ целата земја од Кина
Десетици американски држави објавија дека од Кина пристигнале мистериозни пакувања со семиња. Властите ги предупредуваат граѓаните да не садат семе затоа што тоа може да биде инвазивен вид.
Министерството за земјоделство на САД соопшти дека започнало истрага за да открие повеќе за несакани пакувања семе што пристигнале во најмалку 27 држави и се испраќаат од Кина. Властите апелираат секој што прима вакви пакети да ги контактира локалните власти итно.
„Ве молиме, чувајте ги семето и пакетите сè додека некој од Стејт департментот не ве контактира со повеќе упатства. Не засадувајте семе од непознато потекло “, пренесоа властите преку соопштение за јавноста.
Можна еколошка катастрофа
Официјалните лица исто така рекоа дека пакетите се најверојатно „измама“, преку која потрошувачите добиваат пакети, а компанијата фалсификува позитивни прегледи на производите.
Сепак, постои можност пакетите да бидат еколошка катастрофа.
„Можеби инвазивниот растителен вид не звучи заканувачки, но овие мали напаѓачи можат да го уништат земјоделството во Тексас“, рече Сид Милер, официјален претставник на Министерството за земјоделство во Тексас.
Патогени или инсекти може да бидат скриени во семето
Научниците се согласуваат. Затоа Министерството за земјоделство на САД издаде исклучително строги правила за увоз на растенија и други органски материјали, според „Сајанс алерт“.
„Причината поради која луѓето се загрижени, особено ако семето може да се одгледува за храна, е тоа што тие можат да бидат патогени или инсекти скриени во семето“, рече Кароли Бул, професор на Државниот универзитет Пен.