Бебе родено предвреме и со ниво на алкохол во крвта од 3,2 почина во Полска

Бебето кое е родено предвреме во болница на периферијата на Варшава пред три недели, со ниво на алкохол во крвта од над 3,2 милиграми на милилитар крв, почина, објавија во вторникот претставници на полското обвинителство, пишува Агерпрес.

Според локалните власти, бебето, кое тежело само 1.300 грама при раѓање и страдало од значителни генетски малформации, било извршено на обдукција за да се утврдат причините за смртта.

Неговата мајка, 42-годишна жена, беше хоспитализирана во градот Нови Двор Мазовиецки на 23 декември по почетокот на контракциите, иако беше само во 28-та недела од бременоста. По раѓањето, бебето било примено на специјално одделение во болницата.

Мајката е отпуштена кратко по породувањето и потоа била испрашувана од полицијата и Обвинителството.

Таа признала дека била во алкохолизирана состојба при раѓањето, но потоа била ослободена, бидејќи можела да докаже дека има постојан дом.

Лекарите се надеваат дека со обдукција ќе утврдат дали бебето починало како резултат на генетски малформации или поради голема содржина на алкохол во крвта.

---