Честа навика за време на бременоста што може да доведе до раѓање на дете со АДХД
Aените кои земаат парацетамол за време на бременоста, најверојатно ќе раѓаат дете со проблеми во однесувањето, според една студија.
Научниците од Универзитетот во Бристол откриле врска помеѓу бремени жени кои користат лекови против болки и нивните деца кои имаат ризик да станат хиперактивни или можат да имаат емоционални проблеми.
Парацетамолот е најчестиот аналгетик и се смета за безбеден за бремени жени.
Сепак, новите студии покажаа дека овие лекови можат да му наштетат на развојот на фетусот, а некои студии ги поврзуваат лекови против болки со астма, неплодност и аутизам.
Во најновата студија, истражувачите испитувале податоци од 14.000 деца на возраст од 6 месеци до 11 години.
Користејќи прашалник, научниците тестирале меморија, коефициент на интелигенција, однесување и статус на училиште, а потоа ги споредиле резултатите со тоа колку често нивните мајки земале парацетамол помеѓу 18 и 32 недела од бременоста.
Експертите откриле „каузална врска“ помеѓу употребата на парацетамол и проблеми во однесувањето на децата, вклучувајќи хиперактивност и дефицит на внимание (АДХД - нарушување на дефицит на внимание, хиперактивност).
Ефектите биле посилни кога децата имале три години, но се намалиле кога пораснале и завршиле четврто одделение.
Според анализата, момчињата се повеќе склони кон овие состојби во споредба со девојчињата.
Оваа студија ќе ги повика лекарите да препорачаат помали дози на парацетамол на бремени жени за време на бременоста.