Циклонот Маркус откри смртоносна бактерија која веќе уби три лица

Според „Дејли меил“, директорот на Центарот за контрола на болести, д-р Питер Марки, изјавил дека 3 лица починале оваа сезона, од вкупно 68 случаи на болест.

Просечниот број на вакви случаи е 50 годишно, а заболените имаат симптоми слични на пневмонија, односно отежнато дишење, треска и главоболка.

Потоа, симптомите може да се развиваат полека при слабеење, рани кои повеќе не се затвораат или болка во градите и стомакот.

Бактеријата што предизвикува заразна болест „мелиоидоза“ е на земја и ги произведува нејзините ефекти по обилните дождови и поплави, па здравствените работници препорачуваат оние во Австралија да ги чистат своите домови по ваквите појави.

„Бактеријата живее под земја за време на сувата сезона, но излегува на површина за време на поплавите, со можност да стигне до воздухот по обилните дождови“, вели д-р Питер Марки.

Циклонот Маркус од категорија 2 пристигна во Дарвин во раните утрински часови во саботата, со налети до 62 километри на час, поројни дождови и опасни бранови, според ABC News.

Островите северно од Дарвин веќе се ставени во состојба на готовност во очекување на циклонот, за кој се проценува дека ќе се движи југо-запад долж северниот брег на Австралија.

---