ЕПИК ќе го купи Укртелеком за 1,3 милијарди долари

Автор: КАПИТАЛ/Датум на објавување: 18-02-2011 19:02

милијарди

Украинскиот фонд за управување со државен имот во петокот објави дека австриската инвестициска фирма ЕПИК ќе ја преземе украинската национална телекомуникациска компанија Укртелеком за 1,3 милијарди долари.

Фондот не прецизираше кога точно ќе се склучи трансакцијата.

Украина имаше намера да го приватизира „Укртелеком“ преку тендер во декември 2010 година, но „ЕПИК“ беше единствената компанија што достави понуда и аукцијата беше откажана.

Укртелеком контролира околу 80 проценти од локалниот пазар на фиксна телефонија, но исто така нуди и Интернет и мобилни услуги. Во првата половина на 2010 година, Укртелеком оствари профит од 6,1 милиони долари, во споредба со загубата од 16 милиони долари во истиот период од 2009 година.

Властите во Киев се обидоа да го продадат „Укртелеком“ од крајот на 90-тите години на минатиот век, но досега не беа успешни поради политички спорови. Вредноста на компанијата се проценува помеѓу една и три милијарди долари.
ИЗВОР: Агерпрес