Истражувачите идентификувале повеќе од 200 гени поврзани со рак на мозок
Овие гени ја отвораат можноста за откривање на нови форми на третман на рак на мозок.
Научниците од институтот Велком Сангер во Велика Британија проучувале како мутациите во генот EGFR, заедно со 200 други гени, можат да доведат до глиобластом. Лекарите објаснуваат дека глиобластомот е една од најагресивните форми на рак на мозокот, забележува Медикалкспрес.
Глиобластом е агресивна форма на рак на мозок. Се лекува со операција проследена со хемотерапија или терапија со зрачење, сепак клетките на ракот можат да избегаат од ефектите на третманот и да доведат до враќање на туморите. Прогнозата на пациентите е слаба, во просек тие преживуваат 12-18 месеци по дијагнозата.
Истражувачите ширум светот работат на откривање нови лекови и терапии за оваа болест, но нејзината причина останува непозната.
Нов модел за еволуција на глиобластом
Истражувачите на Велком Санџер користеле глувци за да ги идентификуваат оние гени кои играат важна улога во појавата и развојот на овој вид рак.
Анализите покажаа дека генот EGFR, рецептор за епидермален фактор на раст, може сам да доведе до глиобластом. Истражувачите објаснуваат дека туморите изучувани кај глувци се репрезентативни на тумори кои се јавуваат кај луѓето.
„Создадовме нов животински модел за проучување на смртоносниот карцином на човечкиот мозок, глиобластом. За прв пат покажавме дека познатиот ген на рак, EGFR, е во состојба да иницира глиобластом и идентификувавме нови гени, чиј потенцијал за терапевтско насочување заслужува понатамошно истражување “, објаснува д-р Имран Ноорани.
Методот што го користат научниците за откривање на гени поврзани со појавата на глиобластом вклучува вметнување на мали фрагменти од ДНК во одредени области на геномот за да се создадат мутации. Ова доведе до откривање на повеќе од 200 познати и нови мутации на гени супресори на тумори кои работат заедно со генот EGFR за да предизвикаат раст на тумори на мозокот, од кои многу претставуваат нови цели за лекови.
Студијата е објавена во Биологија на геном.