Легендарниот бразилски фудбалер Пеле е во кревка состојба; Тој се срами, не сака да ја напушти куќата
Легендарниот бразилски фудбалер Пеле, сметан за најголемиот играч на сите времиња, не ја напушта куќата затоа што не може да патува сам, откри неговиот син, цитиран од Би-Би-Си.
Победник на три Светски шампионати, Пеле (79) веќе некое време има проблеми со колкот и му треба рамка за поддршка за да може да се движи. На многу јавни настапи, Пеле користи инвалидска количка.
„Тој е многу повлечен“, изјави неговиот син Едињо за ТВ Глобо.
Пеле има постигнато 1281 гол на 1363 одиграни натпревари во неговата 21-годишна кариера, вклучувајќи 77 гола на 91 избор во репрезентацијата на Бразил.
Поранешниот играч има здравствени проблеми со години и беше опериран на простата во 2015 година.
„Замислете, тој е Кралот, тој отсекогаш бил важна личност и сега веќе не може да оди“, рече Едињо. „Тој се срами, не сака да ја напушти куќата или да биде виден, не сака да прави ништо ако тоа значи напуштање на куќата.
Синот на Пеле рече дека неговиот татко е во прилично кревка состојба, бидејќи не се опоравил целосно од операцијата на колкот, а неговите локомоторни проблеми предизвикале депресија.
Во јуни 2020 година ќе се одбележи 50-годишнината од освојувањето на последната светска титула од страна на Пеле, со она што се смета за најдобра екипа на сите времиња.