Масната риба може да ја намали астмата кај децата

Исхраната богата со лосос, пастрмка и сардини може значително да ги намали симптомите на астма кај децата, покажува австралиско истражување.

децата

Според Марија Папамихаил, раководител на истражување на универзитетот Ла Троб во Мелбурн, резултатите од студијата се во согласност со голем број докази кои сугерираат дека здравата исхрана може да биде потенцијална терапија за астма кај децата.
„Веќе знаеме дека диетата богата со маснотии, шеќер и сол може да влијае на развојот и еволуцијата на астма кај децата, а сега имаме докази дека можеме да управуваме со симптомите преку здрава диета“, рече Папамихаил, цитиран од agerpres.ro.

Од 64 деца со астма кои учествувале во студијата, на половина им било наложено да ја следат традиционалната медитеранска диета, богата со јадења од зеленчук и рибино масло, додека останатите ги следат вообичаените диети.

Астма, најчеста респираторна состојба кај младите луѓе

Оние кои биле на диета богата со риби, доживеале значително намалување на воспалението на бронхиите. „Масната риба е богата со омега-3 масни киселини со антиинфламаторни својства“, објасни Папамихаел.

Според професорот Бирчан Ербас, од Факултетот за психологија и јавно здравје во Ла Троб, „астмата е најчеста респираторна состојба кај младите луѓе и една од главните причини заради кои децата имаат потреба од хоспитализација или одат во собата за итни случаи“.
„Императив е да се идентификуваат нови терапии што можеме да ги користиме со конвенционални лекови против астма“, додаде тој.