Најефикасниот суперкомпјутер во светот користи единици за визуелна обработка на NVIDIA Tesla

Автор: КАПИТАЛ/Датум на објавување: 24-11-2011 16:11

суперкомпјутер

NVIDIA, компанијата што ја измисли единицата за обработка на графика во 1999 година, го објави, втора година по ред, најефикасниот енергетски ефикасен супер компјутер во класата петафлоп, базиран на единиците за визуелна обработка на NVIDIA Tesla (графички процесори).

Системот Tsubame 2.0, лоциран во Институтот за технологија во Токио во рамките на Глобалниот информативен центар за наука (GSIC), според списокот на Green500 е прогласен за најефикасен енергетски супер компјутер во класата петафлоп. Списокот Green500, објавуван двапати годишно, ги проценува најефикасните 500 суперкомпјутери, според добиениот однос помеѓу перформансите и потрошувачката на системот.

Tsubame 2.0 е хетероген супер компјутер (користејќи процесори и единици за визуелна обработка) што се користи за забрзување на научните и индустриските истражувања во Јапонија. Со одржлива изведба од 1,19 петафлопс во секунда и потрошувачка од 1,2 мегавати, системот Tsubame 2.0 испорачува 958 мегафлопи во процесирана моќност на вати. Овој систем е 3,4 пати поефикасен во однос на енергијата во споредба со најблискиот систем на класа петафлоп, базиран само на x86 процесори (суперкомпјутерот Cielo Cray од националната лабораторија Лос Аламос, кој испорачува 278 мегафлопи по вати).

Во трката за ексакална обработка, енергетската ефикасност стана главниот елемент на перформансите на обработката. Хетерогените системи, забрзани од графичките процесори, се инхерентно многу поефикасни во однос на енергијата отколку системите само за процесори, поради фактот што апликациите можат да имаат корист од перформансите што ги нудат алтернативните процесори за извршување на разни задачи. Секвенцијалните делови на апликациите работат на процесорот, додека поинтензивните делови од обработката на податоците се забрзуваат од единицата за визуелна обработка.

Системот Tsubame 2.0 се состои од сервери HP ProLiant SL390 со процесори Intel Xeon и графички процесори NVIDIA Tesla. Графичките процесори на Тесла нудат над 80% од перформансите на системот, што му овозможува на суперкомпјутерот Tsubame 2.0 да постигне високо ниво на перформанси со многу мала потрошувачка на енергија. Оваа година, двајца од финалистите за престижната награда Гордон Бел, вклучувајќи го и добитникот на решението за делот Важни достигнувања во обемот и времето, го користеа системот Tsubame 2.0.

Најновата листа Green500 ја истакнува енергетската ефикасност при дизајнирање на хетерогени системи. Пет од топ 10 системи и 22 од топ 30 енергетски ефикасни системи користат графички процесори заедно со процесорите.

Графичките процесори на Тесла се паралелни забрзувачи засновани на CUDA паралелната архитектура на обработка. Развивачите на апликации можат да ги подобрат перформансите на апликациите користејќи компајлери CUDA C, CUDA C ++, CUDA Fortran.