Пет изненадувачки симптоми на дијабетес Медлајф
Симптомите на дијабетес тип 2 не се очигледни во сите случаи. Некои луѓе може да не чувствуваат постојано жед, да имаат вкочанети раце и нозе или да чувствуваат потреба многу често да одат во тоалет. Постојат и други суптилни знаци кои можат да укажуваат на дијабетес.
1. Забележавте непријатни промени во кожата
Темните дамки на кожата, особено на задниот дел на вратот, лактите или зглобовите, честопати се рано предупредување за проблеми со шеќерот во крвта. Иако генетиката или хормоните можат да предизвикаат овие промени на кожата, „кога ќе ги забележам овие дамки, првото нешто што го правам е да го проверам шеќерот во крвта на мојот пациент“, вели Сањив Саини, дерматолог на клиника во Мериленд.
2. Забележавте ненадејно подобрување на видот
Фактот дека одеднаш почнавте да гледате подобро, не е секогаш добра вест. „Често ќе прочитате дека заматениот вид е симптом на дијабетес, а всушност видот може да се подобри кога ќе се појави болеста“, вели Хауард Баум, доцент на универзитетот Вандербилт.
3. Постојано чешање
Дијабетесот влијае на циркулацијата на крвта, што може да доведе до чешање. Ако постојаната употреба на хидратантна крема не го реши проблемот, треба, во секој случај, да се консултирате со специјалист.
4. Проблеми со слухот
Студија на Националниот институт за здравство сугерира дека губењето на слухот може да биде ран знак за дијабетес. Истражувачите веруваат дека дијабетисот влијае на крвните садови и нервите во внатрешното уво
5. 'Рчи почесто и потешко отколку порано
„Околу половина од луѓето со дијабетес имаат проблеми со дишењето за време на спиењето“, рече Осама Хамди, директор на Бостонскиот центар за дијабетес.