Првата земја во светот што забрани реклами за пијалоци со висок шеќер

Град-држава во Сингапур ќе забрани реклами за нездрави пијалоци со висок шеќер во војната против дијабетесот, пренесува Си-Ен-Ен.

Забраната ќе важи за помалку здрави пијалоци со висок шеќер и ќе ги опфати сите медиумски платформи - печатени, ТВ и преку Интернет, изјави претставник на Министерството за здравство во Сингапур.

Одлуката е донесена по јавна консултација во форма на анкета за мислење.

Безалкохолни пијалоци, сокови, јогурт и пијалоци од кафе би биле погодени од новата забрана, се вели во соопштението од сингапурското Министерство за здравство.

Властите ќе продолжат да собираат повратни информации од потрошувачите и индустриските компании во наредните месеци, пред да објават нови детали за спроведувањето на забраната во 2020 година.

Покрај забраната за рекламирање, од компаниите ќе се бара да прикажат на пакувањето етикета со детали за хранливите својства на пијалокот и неговата содржина на шеќер.

Големата потрошувачка на пијалоци со висок шеќер е поврзана со дебелина и зголемен ризик од развој на хронични состојби, како што се дијабетес или срцеви заболувања. Според Светската здравствена организација, оние кои консумираат една или две дози пијалоци со висок шеќер дневно, имаат 26% поголем ризик од развој на дијабетес тип 2. Во исто време, преваленцата на дебелина е тројно зголемена во последните 45 години. со години.

---