Русија ги заврши клиничките испитувања за својата втора анти-ковидна вакцина

Москва во средата објави дека втората вакцина против новиот коронавирус успешно ги помина клиничките испитувања. Следниот чекор е тестирање на волонтерите, најави Ана Попова, директор на здравствената агенција Роспотребнадзор.

Вакцината, наречена EpiVacCorona, е изработена од Центарот за вирусологија и векторска биотехнологија во близина на сибирскиот град Новосибирск.

русија

Новата вакцина ќе започне со тестирање на најмалку 3.000 волонтери постари од 60 години кои страдаат од хронични состојби, а плацебо тестирањето ќе се спроведе на 5.000 лица во различни возрасни групи.

Руското Министерство за здравство минатата недела објави дека започнале процедурите за регистрација на вакцини, кои би можеле да завршат во првата половина на октомври.

Шефот на одделот за зоонозни инфекции на сибирскиот институт, Александар Рижиков, неодамна објави дека првичното тестирање на вакцината покажало дека е „целосно безбедна“, но дека нуди имунитет само за шест месеци, забележува hotnews.

Првата руска вакцина против Ковид-19 беше развиена од институтот Гамалеја во Москва во август. Спутник-В во моментов се тестира на 40.000 волонтери.

Потсетуваме, СЗО со претпазливост го прими руското соопштение за првата вакцина против Ковид-19 на 11 август, кое посочи дека мора да ги следи чекорите на претквалификација и проценка за ефикасноста и безбедноста. Покрај тоа, некои истражувачи, вклучително и лекари, стравуваат дека Москва може да го стави националниот углед пред безбедноста на граѓаните. За да добие кредибилитет, претседателот Владимир Путин објави дека една од неговите ќерки е успешно вакцинирана, а единствениот несакан ефект е привремената треска. Сепак, неодамнешна студија покажа дека Спутник В предизвика имунолошка реакција кај волонтерите кои учествуваа во клинички испитувања во раните фази и не предизвикаа сериозни несакани ефекти.