Русија Откриена е секта која веќе десет години живее во бункер

Руските власти откриле 70 лица, меѓу кои околу 20 деца на возраст од 18 месеци до 17 години, во подземен бункер во близина на градот Казан, пренесува францускиот весник „Монд“.

Тоа е исламска секта, основана на ова место со деценија. Децата, од кои повеќето се родени во бункер 700 квадратни метри, никогаш не ја видоа светлината на денот, изјави портпаролот на локалната полиција, кој ги опиша просториите на осумкатната подземна конструкција како „ќелии“ без светло и без вентилација.

Сектата себеси се нарекува „Фајзарахманисти“, ученици на Фајзрахман Сатаров (83), локален сунитски водач, кој себе си се нарекуваше пророк. Само неколку од учениците добиле дозвола да патуваат на локалниот пазар, според информациите дадени од рускиот печат.

Децата пронајдени во бункерот веднаш биле пренесени во болницата за сериозни медицински истраги. Според првите изјави на Татјана Мороз, лекар во болницата каде што биле хоспитализирани децата, нивната здравствена состојба би била „задоволителна“. „Сите се хранат, но се чуваат во нехигиенски услови, валкани се. Ги измив и направив целосна проценка на нивното здравје “, рече таа.

---