САД и Русија меѓусебно се обвинуваат за дезинформации за епидемијата на коровавирус Ковид-19
Неколку американски официјални лица изјавија дека Русија организира антиамериканска кампања за дезинформација за коронавирусот, проценувајќи дека илјадници сметки на социјалните мрежи дејствуваат унисоно за да предизвикаат раздор. Од друга страна, Москва тврди дека обвинувањата на Вашингтон се намерно лажни, пренесува агенцијата Франс прес.
Илјадници сметки на Твитер, Фејсбук и Инстаграм - припишани на руските разузнавачки служби - шират антиамерикански информации за новиот коронавирус во Кина, изјавија неколку американски официјални лица
Кампањата за дезинформација и ширење на теории на заговор започна пред еден месец, во време кога епидемијата беше во зачеток.
Оваа дезинформациска кампања потсетува на обидите на советскиот КГБ да ја акредитира идејата дека ХИВ бил изум на американски научници.
„Целта на Русија е да сее раздор и да се ослабнат институциите и сојузите на САД одвнатре, вклучително и преку тајни и штетни кампањи., рече Филип Рикер, државен потсекретар за Европа и Евроазија. "Со ширење дезинформации за коронавирусот, овие малициозни руски актери ја загрозуваат јавната безбедност “., додаде официјалното лице.
Во меѓувреме, портпаролката на руското Министерство за надворешни работи, Марија Захарова, во саботата изјави дека обвинувањата на САД дека Русија организирала кампања за дезинформација на коронавирус, биле „намерно лажни“.
„Ова е намерно лажна приказна., рече Марија Захарова, цитирана од јавната агенција ТАСС.