Современата западна диета доведува до осиромашување на имуните клетки кои ги штитат артериите
Тимот исто така открил дека „добриот холестерол“ се бори против овој процес, помагајќи имуните клетки да ги одржуваат артериите чисти, пишува Medical Xpress.
Воспалението е најголем придонесувач за стеснување на артериите, процес наречен атеросклероза - состојба што може да доведе до срцеви или мозочни удари. Лабораторијата на Кетрин Хедрик ги истражува улогите на имуните клетки во овој процес и како функцијата на различните имунолошки клетки може да се промени како што напредува атеросклерозата.
„Луѓето мислат дека атеросклерозата е само холестерол, диета и вежбање, но всушност е имунолошка болест“, рече Далиа Гадис, член на тимот предводен од Хедрик.
Тимот забележа дека кога глувците се хранат со типична западна диета (со високо ниво на маснотии и холестерол), бројот на регулаторни или заштитни Т-клетки во артериите започнал да се намалува. После 15 недели диета, намалувањето беше јасно. Покрај тоа, Т-клетките останале во телото, но имале поинаква функција, значителен број се наоѓаат во аортната артерија и лимфните јазли.
Молекуларните анализи открија дека овие клетки имаат нова улога да го штитат организмот од вирусни и бактериски инфекции (фоликуларни Т-клетки помагачи - Tfh). Со други зборови, западната диета телото ја перцепира како инфекција.
Сепак, малку се знаеше за тоа како тие влијаат на појавата на атеросклероза. Со помош на други експерименти, истражувачите утврдиле дека Tfh клетките доведуваат до прогресија на атеросклероза. Со блокирање на генерација на клетки Tfh, научниците успеаја да го намалат блокадата на артериите кај глувците.
Тимот тогаш сакаше да види дали добриот холестерол, кој го отстранува холестеролот од клетките, може да го заштити организмот од атеросклероза, спречувајќи губење на Т-клетките. Со помош на овој третман, Т-клетките се спротивставија на ефектите на западната исхрана и не станаа Thf-клетки.
Препорачуваме да ги прочитате следниве статии: