Влогер, кој рече дека е излечен од рак со веганска диета, почина од рак

Aена која стана позната на Јутјуб поради веганскиот начин на живот што го промовираше почина од рак. Таа претходно изјави дека соковите „против рак“ и помогнале да се лекува од немилосрдната болест.

Мари Лопез, од Хјустон, Тексас, имала YouTube канал со нејзината внука, Лиз онсон. Таа им соопшти на стотици илјади следбеници дека одбила традиционален третман откако и дијагностицирале рак на дојка. Наместо тоа, таа избра да конзумира природни „антиканцерогени“ сокови 90 дена, според „Дејли меил“.

Четири месеци откако се откажа од храна од животинско потекло, жената објави дека е во ремисија и рече дека овој режим ја излечил од рак, но и од „лезбејство“.

Лиз, внука на жената, неодамна изјави дека Мари Лопез починала во декември 2017 година, откако болеста се проширила на нејзината крв, црн дроб и белите дробови. Лиз признала дека на крајот нејзината тетка се обидела со хемотерапија и зрачна терапија, но веќе било доцна, па традиционалниот третман немаше никаков ефект.

Сепак, Лиз тврди дека мајката на Мари Лопез е виновна за повторувањето на ракот, што ја поттикнало да јаде месо.

„Тетка ми беше недоследна во нејзината диета. Таа не ја продолжи диетата со сокови откако и беше дијагностициран по втор пат, избра зрачење и хемотерапија “, вели младата жена.

Иако научниците потрошиле децении и милијарди долари на безброј студии за храна и рак со текот на времето, не е откриена ниту една „чудесна диета“ за спречување на мистериозната болест.

Онколозите предупредуваат дека промовирањето на диета против рак е погрешно, бидејќи овие лекови не се научно докажани. Сепак, лекарите нагласуваат дека здравата и разновидна исхрана е важна за секоја состојба, за да им се обезбедат на пациентите потребните хранливи материи.

---