Агрумите спречуваат мозочен удар
На последниот состанок на Американското здружение за здравје и хемија, одржан во август 2016 година, беше презентирана интересна студија за придобивките од агрумите кога станува збор за болести на срцето и црниот дроб.
Истражувањата покажаа дека агрумите се поздрави за нас отколку што може да помислиме. Покрај обезбедувањето на есенцијални витамини, флавоноидите кои се наоѓаат во овие плодови помагаат и во борбата против дебелината, срцевите заболувања и заболувањата на црниот дроб.
Сите знаеме дека агрумите се здрави. Ги користиме при подготовка на природни сокови и ги додаваме во многу јадења секој ден. Она што не го знаеме е дека портокалите и лимоните многу се препорачуваат кога станува збор за борба против дебелината.
Авторите на студијата тврдат и дека агрумите позитивно влијаат на кардиоваскуларниот систем, но и на црниот дроб, поради компонентите содржани во овие плодови, поточно флавоноидите.
Портокалот и лимонот ги држат телесните масти под контрола
Денес, дебелината е јавен здравствен проблем. Кога телесната тежина не е нормална, ризикот од развој на срцеви заболувања, заболување на црниот дроб и дијабетес се зголемува. Дебелината го зголемува оксидативниот стрес и воспалението. Затоа, предизвикува низа реакции, опасни по здравјето.