Белите дробови имаат „магична“ способност за лекување
Во сабота, од 21:00 часот, погледнете го документарниот филм за ДИГИ СВЕТ Тајните на вселенската војна.
Белите дробови имаат скоро „магична“ способност да ги поправат канцерогените мутации предизвикани од пушењето, велат истражувачите, пишува BBC.
Мутациите што можат да доведат до рак на белите дробови досега се сметаа за трајни и постојани дури и откако поединците се откажаа од пушењето. Според новата студија објавена во списанието „Природа“, клетките кои не биле оштетени од пушењето може да ги излечат погодените од мутации - ако пациентите се откажат од пушењето.
Ефектот бил забележан и кај пациенти кои пушеле по едно пакување на ден 40 години пред да се откажат од опасната навика.
Илјадници хемикалии во чадот од тутун ја расипуваат и мутираат ДНК во белодробните клетки - полека ги претвораат од здрави во канцерогени.
Голем број на клетки собрани од респираторниот систем на пушач се мутирани од тутун - клетките содржеле до 10 000 генетски промени.
„Можете да мислите на нив како темпирани бомби, чекајќи ја следната доза што ќе им помогне да преминат во рак“, рече д-р Кејт Гоуерс, една од истражувачите на студијата.
Мал број на клетки не мутираат. Иако не е познато како се спротивставува на овој процес, кога некој ќе престане да пуши, овие клетки се оние кои растат и ги заменуваат погодените.
Кај луѓето кои се откажале од пушењето, до 40% од нивните клетки изгледале како оние на лица кои никогаш не пушеле.
„Бевме целосно неподготвени за вакво откритие“, рече д-р Питер Кембел од институтот Сангер. „Постои популација на клетки кои се чини дека магично ја обновуваат слузницата на дишните патишта.
Истражувачите допрва треба да утврдат која површина на белите дробови е обновена со оваа „магична“ способност.