Бенјамин Нетанјаху Започнува нова ера во односите меѓу Израел и арапскиот свет

Автор: Валентина Дргои/Датум на објавување: 13-08-2020 22:08

нова

Обединетите Арапски Емирати и Израел ги нормализираа односите, а израелскиот премиер Бенјамин Нетанјаху е посреќен од кога било.

„Денес започнува нова ера во односите меѓу Израел и арапскиот свет“, рече израелскиот премиер Бенјамин Нетанјаху за АФП во четвртокот вечерта.

Според премиерот, оваа нормализација ќе има ефект на „одложување“ на израелските планови за припојување на делови од окупираниот Западен брег, додаде Нетанјаху, истакнувајќи дека не „се откажал“ од оваа опција што веќе ја критикуваа Палестинците и дел од меѓународната заедница.

Неговите изјави доаѓаат откако Израел и Обединетите Арапски Емирати потпишаа „историски мировен договор“ под покровителство на Соединетите држави и ќе воспостават дипломатски односи, објави во четвртокот американскиот претседател Доналд Трамп на Твитер.

Договорот е дел од поширок договор според кој израелските власти ќе стават крај на анексијата на окупираните палестински територии. ОАЕ ќе биде трета арапска земја што воспостави дипломатски односи со Израел, по Египет и Јордан.