Бил Гејтс не е прв

Бил Гејтс, основачот на „Мајкрософт“, прогласен за најбогата личност на оваа планета веќе десет години по ред во врвот на списанието „Форбс“, беше симнат од тронот. Ингвар Кампрад, основачот на шведската компанија Икеа, стана најбогатиот човек во светот, како резултат на амортизацијата на доларот во однос на другите валути, соопшти шведската јавна телевизиска станица, цитирана од Медијафакс.

гејтс

Телевизискиот канал го цитира локалниот неделник Аферар Веканс, кој известува дека личното богатство на Кампрад изнесува 53 милијарди долари, шест милијарди повеќе од Гејтс. Според последното издание на листата на Форбс, Бил Гејтс има богатство од 47 милијарди долари.

Кампрад (77) живее во Швајцарија и одамна се откажа од секојдневната работа на групата Икеа, една од водечките светски дистрибутери на мебел. Сепак, тој ја задржа контролата врз компанијата, која е присутна во повеќе од 30 држави и има повеќе од 180 дистрибутивни центри. (Кристијан Јонита)