Дебелината го зголемува ризикот од рак на црниот дроб
Маснотиите акумулирани околу стомакот, високиот индекс на телесна маса (БМИ) и дијабетес тип 2 може да го зголемат ризикот од рак на црниот дроб, според новата студија.
Сите овие фактори се силно поврзани со ризикот од рак на црниот дроб, рече Питер Кембел, директор на Американското друштво за истражување на рак на дигестија и еден од коавторите на студијата.
Стапката на овој вид карцином е зголемена тројно во САД од средината на 70-тите години на минатиот век и „прогнозата на овие пациенти со дијагностициран карцином на црниот дроб е тешка“, рече тој, цитиран од вебмд.com.
При спроведувањето на истражувањето, авторите испитувале податоци од повеќе од 1,5 милиони дебели возрасни лица во 14 држави во САД, барајќи асоцијации помеѓу телесната тежина и дијабетисот тип 2.
Со текот на времето, 6,5% од нив биле дијагностицирани со дијабетес тип 2, директно поврзани со дебелината од која веќе страдале. Повеќе од 2.100 луѓе тогаш развиле рак на црниот дроб.
Кога ги споредиле податоците на оние кои биле дебели и имале дијабетес со оние на оние кои биле само дебели, истражувачите откриле дека првата категорија има 2,6 пати поголем ризик да биде дијагностициран со рак на црниот дроб. Наодите се направени откако се земени предвид и други фактори на ризик, како што се пушењето и консумирањето алкохол.
Студијата исто така покажа дека на секои 5 дополнителни сантиметри на половината се зголемува ризикот од рак на црниот дроб за 8 пати. Резултатите од оваа студија беа објавени во списанието Cancer Research на 14 октомври.
„Овие резултати се уште една причина зошто треба да одржувате нормална телесна тежина“, рече Кембел.
Сепак, истражувањето не покажува директна причина-последична врска помеѓу дебелината и ракот на црниот дроб, но може да биде едно од објаснувањата за алармантното зголемување на инциденцата кај дебелата американска популација. „Ракот на црниот дроб не може да биде поврзан само со консумирање алкохол и инфекција со вирус на хепатитис. За возрасни со дијабетес тип 2, ризикот од заболување од рак на црниот дроб исто така се зголемува двојно “.
Од гледна точка на јавното здравство, оваа информација е важна, заклучи Кетрин МекГлин, истражувач во Националниот институт за рак, бидејќи и дебелината и дијабетисот се многу чести болести, почести од вирусот на хепатит Б или Ц.