Два оброка на ден за да изгубите тежина

изгубите

Јадењето само двапати на ден е поефикасен начин за слабеење отколку да се јаде 6 помали оброци во текот на денот, покажува новото истражување.

Истражувачите откриле дека луѓето кои јаделе богат појадок и богат ручек изгубиле поголема тежина од оние кои јаделе шест мали оброци (со ист број калории) во текот на денот, забележува relevantmagazine.com.

За 12 недели, луѓето со дијабетес тип 2 кои јаделе само појадок и ручек, имале индекс на телесна маса за 1,23 поени понизок, додека луѓето кои јаделе 6 мали оброци, тие забележаа индекс на телесна маса за 0,82 поени понизок.

Оваа студија е во спротивност со оние кои тврдат дека за да се намали телесната тежина се препорачува да се јаде малку и често. Но, Хана Кахлеова, истражувач на Институтот за клиничка и експериментална медицина во Прага, Чешка, вели дека резултатите од оваа студија се усогласуваат со поговорката „Јадете појадок како крал, ручек како принц и вечер како просјак“.

Индексот на телесна маса (БМИ) е сооднос заснован на тежината и висината на секоја личност. БМИ поголем од 30 покажува дека лицето е дебело, а дебелината го зголемува ризикот од развој на дијабетес тип 2.