Европската централна банка преминува во нова куќа од 1,2 милијарди евра, која чини исто толку

Европската централна банка ќе се пресели во ноември во новото седиште на бреговите на реката Мајна, по три години доцнење, пишува Фајненшл тајмс. Доцнењето во преселувањето ги зголеми трошоците за новата зграда на 1,2 милијарди евра, од првично проценетите трошоци од 850 милиони евра. Повеќе од 2.600 вработени во банката, вклучително и шесте члена на извршниот одбор, ќе се преселат во новото модерно седиште во областа Остенде во Франкфурт, но поради недостаток на простор, супервизорскиот тим на банката ќе остане во старото седиште на Еуротауер во финансискиот кварт на Франкфурт.

Дополнителни трошоци поврзани со новата зграда вклучуваат зголемување на цените на градежните материјали, промена на изведувачот и тешкотии при работа на градилиште каде што се наоѓа историска зграда.

ЕЦБ ја бранеше одлуката да инвестира во седиштето, тврдејќи дека е губење на народни пари за продолжување на изнајмувањето простор во Еуротауер. Консултантот за недвижнини Jонс Ланг Ласале рече дека ЕЦБ плати од 30 до 35 евра за метар квадратен за 60 000 квадратни метри.

„Поефикасно е (за ЕЦБ) да го поседува своето седиште отколку да го издава под закуп“, рече портпаролката на ЕЦБ.

Новата зграда е модерна, има висина од 185 метри, северните и јужните кули се поврзани со стаклен атриум преку платформи и мостови.

---