Фејсбук ќе воведе интерактивни реклами што го окупираат целиот екран - Go4IT

фејсбук

Првпат претставен во септември минатата година, проектот „Платно“ на Фејсбук е официјално лансиран. Преку него компанијата ќе испорачува интерактивни реклами, кои го окупираат целиот екран.

Овие реклами се различни од оние на кои сме навикнале, бидејќи тие се всушност мали страници што вклучуваат слики, видео содржини, галерии на фотографии, копчиња и текст. Рекламите нема да бидат нападни, бидејќи ќе бидат прикажани на Фејсбук исто како и другите. Платните се лансираат кога корисниците ќе кликнат на нив.

фејсбук

Според Фејсбук, корисниците кои го тестирале новиот формат дале позитивни повратни информации. Може да видите неколку примери за такви реклами на посветената страница на Фејсбук.

Компанијата нуди и алатка наречена Power Editor, преку која може да се креираат овие реклами.

Новиот формат е веќе достапен за огласувачите и наскоро ќе се појави во вести.

Фејсбук ќе воведе рекламирање, почнувајќи од вториот квартал од оваа година, во апликацијата Месинџер, која досега беше „без реклами“, се вели во документот добиен од TechCrunch. За среќа, овие реклами, кои ќе бидат доставени како пораки, ќе ги примаат само корисници кои ќе ги побараат по интеракција со одредена компанија или бренд.

Месинџер е една од најголемите апликации за размена на пораки во светот, со над 800 милиони активни корисници секој месец, така што беше само прашање на време пред Фејсбук да започне да заработува приходи од него.