Иако има лоша репутација, озборувањата се навистина добри за психата

Истражувачи од Универзитетот во Павија во Италија покажаа дека озборувањата го зголемуваат нивото на окситоцин, хормон кој ги активира центрите за задоволство, пишува Кјуриосити.

Научниците го измерија нивото на овој хормон кај 22 студенти, пред и откако тајна актерка одржа дискусија за „непланирана бременост во кампусот“. Во споредба со контролната група, оние што ги слушнале озборувањата имале поголемо ниво на окситоцин.

Озборувањето „ги зближува луѓето повеќе отколку кога дебатираме за безлична тема“, рече водечката авторка на студијата Натасија Брондина.

Истражувачите претпоставуваат дека озборувањето има и други социјални функции, како што се „воспоставување групни правила, остварување на социјално влијание преку системи за репутација и развој на социјални односи“.

Други студии исто така покажаа дека озборувањето им помага на поединците да ги научат правилата на групата, со други зборови, што може да се смета за прифатливо однесување во таа група.

Препорачуваме да ги прочитате следниве статии:

---