Колку е богат

Автор: КАПИТАЛ/Датум на објавување: 19-10-2011 21:10

колку

Сегашното богатство на Роуан Аткинсон алијас Мистер Бин се проценува на помеѓу 80 и 95 милиони евра. Тој е без сомнение најбогата личност на британската телевизија, пишува Ле Соар.

Тој собра пари не само заради неговиот актерски талент, туку и за неговиот талент за деловно работење. Тој е сопственик на 15% од „Тајгер Аспект“, британската продукциска куќа која ги режираше „Били Елиот“ и „Шемата на Кетрин Тејт“.

Серијата со Мистер Бин се емитува во 94 земји и на актерот му носи доволно пари. Досега, ликот му донесе на неговиот изведувач околу 11 милиони фунти (12,6 милиони евра). Серијата „Blackadder“ му донесе и милион фунти. Не смееме да ја заборавиме серијата реклами за издавач на кредитна картичка, емитувана во осумдесеттите и деведесеттите години од минатиот век, а која беше платена со уште еден милион фунти.

Уште од детството, Роуан Аткинсон бил страствен кон автомобилите, а неговото богатство му овозможува да купи специјални автомобили, вклучувајќи го и Мекларен Ф1 од 1997 година, проценет на 650 000 фунти (750 000 евра). За жал, автомобилот беше сериозно оштетен во август, само неговата цврстина му овозможи на актерот безбедно да излезе од запаленото возило. Во возниот парк на Роуан Аткинсон има и Ауди А8, зелено Ферари 456ГТ, Бентли Мулсан, Хонда Цивик Хибрид и Астон Мартин ДБ7 Вантиџ.
Извор: Агерпрес