Медведев; Тандемот со Путин е долгорочен;

Автор: КАПИТАЛ/Датум на објавување: 26-04-2012 14:04

тандемот

Рускиот претседател Дмитриј Медведев во своето последно телевизиско интервју како шеф на државата рече дека неговиот тандем со премиерот Владимир Путин е „долгорочен“, пишува Агерпрес.

"Разјаснивме одредени перспективи. Затоа мислам дека е време сите да се релаксираат. Сè е долгорочно", рече Дмитриј Медведев.

По два последователни мандати во Кремlin, Владимир Путин го поддржа Дмитриј Медведев во 2008 година за негов наследник на шефот на државата, преземајќи ја функцијата премиер. По четиригодишна пауза, уставот му дозволи на Путин повторно да се кандидира за претседател на Русија.

Тој беше избран за претседател на 4 март и се договори со сегашниот шеф на државата Дмитриј Медведев на крајот на неговиот мандат да се кандидира за оваа функција. На 7 мај, Путин ќе положи заклетва за претседател, а на 8 мај, Државната дума, долниот дом на рускиот парламент, ќе го потврди Медведев за премиер.

Владимир Путин на 11 април, кога го презентираше годишниот биланс на владата пред пратениците, рече дека ако сака, ќе може да се кандидира за претседател и на следните претседателски избори во 2018 година. На овој начин, тој може да остане во Кремlin до 2024 година., мандатот на шефот на државата се продолжува од четири на шест години.