Нездравата храна може да предизвика зависност слична на онаа предизвикана од кокаинот Медлајф
Храна богата со калории/Фото: FreeRangeStock.com
Прекумерната потрошувачка на висококалорична храна, јадења специфични за рестораните за брза храна може да предизвика зависност слична на онаа предизвикана од кокаин или никотин. Наодите се направени во експериментот направен врз лабораториски глувци од страна на истражувачи во Институт за истражување Скрипс, тие не можат да бидат директно поврзани со дебелината кај луѓето, но можат да помогнат да се разбере оваа болест и да се развијат нови третмани, информира Ројтерс.
Резултатите од студијата беа објавени во електронското издание на списанието Nature Neuroscience.
„Дебелината може да биде еден од резултатите на прејадување. Третманите што во моментов се користат за лекување на други видови на зависност, како што е третманот на зависност од дрога, можат да бидат многу ефикасни во лекувањето на дебелината.“, рече истражувачот Пол Кени.
Во експериментот, глувците биле поделени во три групи. Првата група имала урамнотежена исхрана, втората примала здрава храна, но имала пристап до калорична храна еден час на ден. На глувците од третата група им било дозволено да јадат „нездрава храна“ без никакви ограничувања.
По некое време, глувците во групата три покажаа предност на висококалорична храна: јадеа цел ден и наскоро станаа дебели. Резултатите покажуваат дека прекумерната потрошувачка на хиперкалорична храна може да предизвика во мозокот слабеење на активирањето на церебралните кола на наградата.
Глувците што биле користени во експериментот, исто така биле навикнати да добиваат мал непријатен шок кога се во присуство на извор на светлина. Сепак, за глувците кои имаа неограничен пристап до „нездрава храна“, присуството на светлина веќе не претставуваше сигнал за предупредување и тие продолжија да јадат тивко.
„Она што го гледаме кај животните е слично на она што се случува кај луѓето кои се прејадуваат“, вели Пол Кени. "Колку што можам да кажам, калоричната храна не е проблем, туку прекумерната потрошувачка, постојано, да“, објасни Пол Кени.