Нова ерупција на вулканот Фуего 92 мртви и 190 исчезнати

Според Националниот форензички институт (Инасиф), 75 лица загинаа во катастрофата, по откривањето на уште две мртви тела во вторникот. Досега се идентификувани само 23 тела.

нова

Серхио Кабанас, директор за спасувачки операции во Националната координација за управување со природни катастрофи (Конред), на прес-конференција во вторникот рече дека 192 лица, чии имиња и адреси се познати, се водат за исчезнати од неделата.

Ерупцијата, исто така, повреди 46 лица и принуди на евакуација на 3.271 лице, според Конред. Други 2.625 лица беа преместени. Катастрофата погоди, во различни степени, вкупно 1,7 милиони Гватемалци.

Силна експлозија ги принуди властите да евакуираат седум локалитети од падината на вулканот во вторникот, а спасувачките операции беа прекинати.

Според Конред, нови пирокластични протекувања - пепел, кал и врели карпи - може да се појават во следните неколку часа.

Интензивирањето на вулканската активност предизвика паника во градот Ескуинтла, во близина на колосот со висина од 3.763 метри и се наоѓа на 35 километри југозападно од главниот град.