Обама, за Либија, одбив да ги чекам сликите од масакрот
Во говорот во понеделникот вечерта, американскиот претседател Барак Обама ја бранеше воената интервенција во Либија, за која рече дека спаси „безброј животи“ и дека Америка треба да го стори тоа, имајќи предвид дека таа е бранител на човековите права.
"Некои земји може да замижат пред злосторствата на друга земја. Соединетите држави се поинакви. И, како претседател, одбив да чекам слики од масакрот и масовните гробници", изјави американскиот претседател за Хафингтон пост.
„Да се остави настрана одговорноста на Америка како лидер и - уште подлабоко - нашите одговорности кон другите човечки суштества во такви околности ќе беа предавство на тоа кои сме”, рече лидерот на Вашингтон.
Тој исто така предупреди дека на Блискиот исток се одвива процес на промени и демократизација, а диктаторите кои го водат регионот прибегнуваат кон насилство за да останат на власт.
Најсилниот човек на светот исто така објави дека Соединетите држави во среда ќе му ја предадат командата за воените операции во Либија на НАТО. Америка не сака повторно да се гледа како практично единствена во интервенција во арапска земја, по инвазијата на Ирак.
Бомбардирањето на меѓународната коалиција уништи голем дел од тенковите и авионите на Гадафи, што значително ја намали неговата способност да бомбардира цивили.