Пијалоци кои можат да предизвикаат 13 видови на рак

Луѓето кои редовно пијат газирани пијалоци со висока содржина на шеќер имаат поголем ризик од карцином отколку оние кои не консумираат вакви пијалоци, без разлика дали се со прекумерна тежина, според студијата објавена во четвртокот и цитирана од ЕФЕ.

„Бевме изненадени кога откривме дека ризикот од рак не се должи целосно на дебелината“, рече Алисон Хоџ од Институтот за карцином Викторија, кој ја спроведе студијата со Универзитетот во Мелбурн.

Студијата разгледа 3.283 карциноми поврзани со дебелината и откри дека ризикот од болеста се зголемува со потрошувачката на газирани пијалоци. „Ова не е случај за оние кои пијат диетални газирани пијалоци, што сугерира дека шеќерот е клучот“, рече Хоџ во изјавата цитирана од Агерпрес.

Бојата со 4-метилимизадол што се користи во газирани пијалоци или засладувачи не се чини дека го зголемува ризикот од рак, според студијата објавена во списанието Public Heath Nutrition.

Тод Харпер, извршен директор на Институтот за карцином Викторија, рече дека податоците обезбедуваат уште повеќе аргументи за застапниците за намалување на потрошувачката на газирани пијалоци со висок шеќер.

„Засладените пијалоци, вклучувајќи газирани пијалоци, доведуваат до дебелина и го зголемуваат ризикот од 13 карциноми“, рече Харпер, истакнувајќи дека тие исто така предизвикуваат дијабетес тип 2, кардиоваскуларни болести и кариес.

---