Потрошувачка на тестенини и скромно слабеење

Потрошувачката на тестенини, како дел од диетата со низок гликемиски индекс, доведува до скромни резултати во однос на губење на тежината во споредба со диетите со висок гликемиски индекс, според новата студија, пишува WebMD.

Храна со низок гликемиски индекс е онаа што предизвикува мали флуктуации на нивото на гликоза и инсулин во крвта. На пример: грав, ореви, повеќето овошја и овес. Белиот леб, колачи и друга храна богата со јаглени хидрати имаат висок гликемиски индекс.

Авторот на студијата, Лора Кјавароли, од Универзитетот во Торонто, Онтарио и Канда, вели дека тестенините, иако рафинирани јаглехидрати, имаат низок гликемиски индекс.

Студијата е објавена на 2 април во BMJ Open. Вклучи 32 други студии и вклучија 2.448 возрасни кои ги разгледаа ефектите што ги имаат тестенините врз маснотиите во телото во контекст на диета со храна со низок гликемиски индекс.

Според студијата, луѓето кои јаделе тестенини изгубиле до еден килограм за 12 недели.

Елена Филипу, професор по нутриционизам на Универзитетот во Никозија, Кипар, рече дека се согласува со заклучокот од студијата.

Јадењето тестенини како дел од диетата со низок гликемиски индекс, како што е медитеранската диета, ќе направи да се чувствувате сити и може добро да влијае на шеќерот во крвта, рече таа. „Се разбира, важно е јавноста да разбере дека тоа не значи дека можат да јадат тестенини колку што сакаат без да добиваат на тежина“, вели Филипу.

---