САД лансираа ракета забранета со договорот ИНФ

лансираа

Американската армија спроведе тест со конвенционална крстаречка ракета со среден дострел лансирана од нејзиниот западен брег во неделата, објави во понеделникот Пентагон.

Тестирањето со овој вид ракета би било забрането со Договорот за средни нуклеарни сили (ИНФ), од кои САД се повлекоа на 2 август, обвинувајќи ја Русија за нејзино кршење според АФП и Ројтерс.

„Тестираната ракета го остави својот мобилен фрлач на земја и прецизно ја погоди целта по повеќе од 500 км лет', посочи Министерството за одбрана.

Тестот беше спроведен на островот Сан Николас, крај брегот на Калифорнија, во неделата во 14.30 часот, се вели во соопштението на Пентагон.

„Собраните податоци и научените лекции од овој тест ќе му обезбедат на Министерството за одбрана информации потребни за развој на ново оружје со среден дострел“, рече тој во краткото соопштение.

На денот на повлекувањето на САД од ИНФ, министерот за одбрана Марк Еспер објави дека неговата земја ќе го забрза развојот на нови „конвенционални ракети земја-воздух во претпазлив одговор на руските активности“.

Еспер изјави дека САД започнале со истражување на овие ракетни системи во 2017 година, но останале во границите наметнати од ИНФ, склучен во 1987 година помеѓу поранешниот СССР и САД, во врска со елиминацијата на ракетите со краток и среден дострел.