Соединетите држави најавуваат повлекување од Договорот за средни нуклеарни сили со Русија

Соединетите држави најавуваат повлекување од Договорот за средни нуклеарни сили со Русија.

Соопштението доаѓа од шефот на американската дипломатија, Мајк Помпео, кој ја оправдува својата одлука со фактот дека Москва не го почитува овој договор, а тоа претставува опасност по безбедноста на американските граѓани.

Договорот за средни нуклеарни сили беше потпишан од двете големи сили во 1987 година и одигра важна улога на крајот на Студената војна. Договорот забрани употреба, развој и распоредување на одредени воени можности, како што се балистички и крстаречки ракети со дострел од 500 до 5500 километри.

Повлекувањето на Соединетите држави од договорот е постапка што ќе трае 6 месеци. Веднаш по ова соопштение, НАТО објави дека Алијансата целосно ја поддржува одлуката на Соединетите држави.

---