СЗО ги одложува рутинските посети на стоматолог!

Светската здравствена организација препорачува одложување на рутинска посета на стоматолог. На експертите сè уште им треба време да го утврдат ризикот од пренесување на вирусот САРС-КоВ-2 преку аеросоли, бидејќи тие сè уште немаат доволно податоци.

преку аеросоли

Чистење на заби со воздушен или воден млаз и ултразвучно отстранување на наслагите се процедури што фрлаат ситни честички во воздухот. Тие може да го носат новиот коронавирус.

Беноа Варен, експерт за стоматологија на СЗО: "Целата оваа опрема генерира она што го нарекуваме воздушни честички или аеросоли. Оние кои работат во областа на оралното здравје имаат висок ризик да бидат заразени со коронавирус или да пренесат инфекција на пациентите".

СЗО препорачува да се избегнуваат или минимизираат сите стоматолошки процедури што создаваат аеросоли. Веројатноста за пренесување на вирусот преку аеросоли, микрочестички или честички што се пренесуваат во воздухот засега е непозната.