Трагедија во рајска дестинација

Три члена од исто семејство се удавија во базенот на туристичко одморалиште во Коста дел Сол, Шпанија, на Бадник.

дестинација

Сè започнало откако деветгодишно британско девојче наишло на потешкотии во водата. Тогаш нејзиниот брат и татко скокнале на нејзината помош, во базенот, според Би-Би-Си.

Вработените во хотелот велат дека повикале служби за итни случаи кога ги виделе тројцата во базенот.

„Вработените во хотелот слушнаа врисоци и се обидоа да ги реанимираат, но не можеа да им помогнат“, изјави локален новинар.

Медицинските тимови се обидуваа 30-35 минути да ги вратат тројцата во живот, но без резултат.

Портпарол на одморалиштето испрати „сочувство до роднините за загубата на тројца членови на семејството на 24 декември 2019 година“.

„Менаџментот работи со властите за да откријат како настанале овие смртни случаи“, додаде тој.

Портпарол на Канцеларијата за надворешни работи и Комонвелт изјави: „Даваме помош на една Британка по инцидентот во Шпанија“.